गेल्या एका वर्षापासून कोरोना नावाच्या विषाणूने संपूर्ण जगात थैमान घातले आहे. कोरोनाच्या महासंकटामुळे संपूर्ण जगाचीच व्यवस्था कोलमडली होती. सध्या परिस्थिती हळूहळू पूर्वपदावर येत आहे. मात्र कोरोनाच्या नवा अवतार समोर आल्याची माहिती मिळत आहे. ब्रिटनमध्ये कोरोनाचा हा नवा विषाणू सापडला आहे. सध्या लसनिर्मितीची प्रक्रिया सुरु असून अनेक देशांनी लशीला आपत्कालीन वापरासाठी मान्यता दिली आहे.
गेल्या 24 तासांत 23,068 नवे कोरोना रुग्ण सापडले आहेत. या नव्या रुग्णांसह देशातील कोरोनाबाधितांची एकूण संख्या 1,01,46,846 वर जाऊन पोहोचली. गेल्या 24 तासांत 336 कोरोनाबाधित रुग्णांचा मृत्यू झाला आहे. या नव्या रुग्णांसह एकूण कोरोनाबाधित मृतांचा आकडा 1,47,092 वर जाऊन पोहोचला आहे. सध्या देशात एकूण 2,81,919 ऍक्टीव्ह कोरोनाबाधित आहेत. गेल्या 24 तासांत 24,661 रुग्ण कोरोनाशी मुकाबला करुन सहिसलामत घरी गेले आहेत. या नव्या बऱ्या झालेल्या रुग्णांसहित एकूण बरे झालेल्या रुग्णांची संख्या ही 97,17,834 वर जाऊन पोहोचली आहे.
महाराष्ट्रात नवे 3,580 रुग्ण सापडले आहेत. तर 3,171 रुग्णांना डिस्चार्ज दिला गेला आहे. गेल्या 24 तासांत 89 रुग्णांचा मृत्यू झाला आहे. महाराष्ट्रातील एकूण कोरोनाबाधित रुग्णांची संख्या ही 19,09,951 वर पोहोचली आहे. आजवर एकूण 18,04,871 बरे झाले आहेत. सध्या महाराष्ट्रात 54,891 एकूण ऍक्टीव्ह रुग्ण आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.